InicioLugo e contornaEsquerda Unida e Podemos debaten aínda se irán xuntos ás municipais

Esquerda Unida e Podemos debaten aínda se irán xuntos ás municipais

Podemos e Esquerda Unida non acaban de poñerse de acordo en varios concellos a pesar de que forman parte da coalición Unidas Podemos en Madrid.

PUBLICADA O

- Advertisement -

Esquerda Unida e Podemos decidirán a finais deste mes de febreiro se presentarán unha lista conxunta nas eleccións municipais do 28 de maio na cidade de Lugo.

Así o manifestou a candidata de Esquerda Unida, María Jesús Rodríguez, que constatou que “de momento” só pode confirmar que mantiveron reunións. “Estamos a manter conversacións as dúas forzas políticas, pero non hai nada establecido nin asinado”, revelou.

Con todo, Rodríguez expuxo que “hai unha boa sintonía en moitas cousas” e sinalou que co “esforzo das dúas partes” é posible que cheguen a un acordo. “Temos que acabar de falar e ver cales son os puntos para poder materializar algo, para unir a toda a esquerda”, salientou.

Neste sentido, afirmou que se deben dialogar “unhas liñas marcadas e uns contidos ideolóxicos” que porán “enriba da mesa” para “acordar”. A candidata de EU deixou claro que  “cara a finais deste mes” terán “unha decisión adoptada”.

Pola súa banda, fontes de Podemos desvelaron que esta semana haberá unha reunión entre ambas as forzas políticas, deixando entrever que desde Esquerda Unida non se quere “pactar nada”. Estas mesmas fontes da formación morada deducen que “non queren ir en coalición e queren ir sós” aos próximos comicios locais.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...