InicioSociedadeO BNG esixe unha rectificación no mapa de liñas de autobús para...

O BNG esixe unha rectificación no mapa de liñas de autobús para manter as paradas no rural de Lugo

PUBLICADA O

- Advertisement -

BNG urxe a rectificación por parte do Ministerio de Transportes, Mobilidade e Axenda Urbana no mapa de liñas de autobús para manter as paradas no rural de Lugo.

A formación nacionalista de Lugo entregou ao deputado no Congreso, Néstor Rego, máis de mil sinaturas recollidas durante a campaña contra a redución das paradas de autobús para que llas traslade ao Mitma.

Segundo explican, o mapa concesional das liñas de autobuses de competencia estatal presentado polo Ministerio en abril supón menos paradas e rutas. Isto levou aos nacionalistas a solicitar a comparecencia da ministra no Congreso xa que, insisten, “de non rectificar a súa decisión, desaparecerán un total de 23 paradas en pobos e concellos en Galicia nos percorridos interautonómicos”.

En concreto, en Lugo os municipios afectados son A Pontenova, Meira, Guitiriz, O Corgo, Baralla, As Nogais, Pedrafita, Palas de Rei, Monterroso, Chantada e Quiroga. “O BNG seguirá reclamando ao Ministerio a reformulación da proposta e que priorice o mantemento de servizos de mobilidade como servizos públicos esenciais“, remarcou Rego.

Sinalan, con todo, que “o Goberno non parece ter intención de rectificar a súa postura“, posto que nunha das respostas do Executivo a preguntas rexistradas polo BNG “continúa xustificando a supresión de paradas, alegando que primarán a demanda de viaxeiros entre as diferentes Comunidades autónomas, sen atender ás paradas intermedias”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...