InicioPolíticaO BNG entrega no Congreso máis de 4.000 firmas por un tren...

O BNG entrega no Congreso máis de 4.000 firmas por un tren “digno” para Lugo

"Cremos que Lugo é un caso paradigmático de desmantelamento dos servizos ferroviarios", lamenta Rego, que avanza que seguirán "insistindo" con máis iniciativas para conseguir os obxectivos.

PUBLICADA O

- Advertisement -

O deputado do BNG no Congreso, Néstor Rego, e o tenente de alcalde de Lugo, Rubén Arroxo, xunto co responsable local do BNG en Lugo, Felipe Rivas, entregaron en Madrid as firmas recollidas na campaña ‘Lugo quere tren’, organizada polo BNG.

A formación nacionalista reclama poñer Lugo “no mapa dos servizos ferroviarios” e finalizar con “anos de recortes e eliminación de conexións e frecuencias”, para que Lugo e Galicia “conten con servizos dignos, con conexións útiles, pensadas para conectar os galegos”.

Representantes do BNG entregaron estas firmas, máis de 4.000, recollidas entre a veciñanza. “Lugo é unha cidade que está a quedar totalmente illada do resto de Galicia e do conxunto do Estado”, advertiu Arroxo. Así, avisou de que, cando se fala do AVE, está “a retirarse e elimiando as poucas conexións e frecuencias que tiña a capital luguesa”, á vez que se “desmantela este servizo”, coa supresión de liñas como consecuencia do confinamento e a pandemia.

O BNG seguirá traballando en Lugo para conseguir que o Ministerio de Transportes “atenda as demandas” da veciñanza, xa que Lugo “ten dereito” a contar cos mesmos servizos que o resto de cidades.

Pola súa banda, Néstor Rego lembrou que son xa “numerosas” as iniciativas do BNG no Congreso para conseguir este fin. “Cremos que Lugo é un caso paradigmático de desmantelamento dos servizos ferroviarios”, lamentou, para avanzar que seguirán “insistindo” con máis iniciativas para conseguir os obxectivos.

ÚLTIMAS

Incendio en Barreiros estabilizado tras arrasar 80 hectáreas

A Consellería de Medio Rural da Xunta de Galicia deu por estabilizado esta mañá...

Cinco brigadistas ingresados con queimaduras graves tras o lume de Barreiros

Os cinco brigadistas feridos nun incendio rexistrado no municipio lucense de Barreiros foron trasladados...

Coñece a programación da Semana de Cinema de Autor de Lugo: 148 filmes e homenaxe a María Vázquez

Máis de 148 películas formarán parte este mes de setembro da Semana de Cinema de...

Outro incendio rexistrado nunha nave do Ceao provoca cuantiosos danos materiais, aínda que non se rexistran vítimas

Un incendio declarado na noite deste mércores nunha nave do polígono industrial de O...