Política

Tomé chámalles “antidemocráticos” aos deputados do PP que abandonaron o pleno

Os populares levantáronse dos seus asentos logo de que PSdeG e BNG rexeitasen "reprobar" os comentarios machistas do presidente sobre a vestimenta de Elena Candia.

Por

Redacción

29 Abril, 2021

60257540_604139663418559_384116298423992320_n-768x432 — O presidente da Deputación de Lugo, José Tomé | XDL

O presidente da Deputación de Lugo, José Tomé, cualificou de “antidemocráticos” os doce deputados do PP que o pasado martes abandonaron o pleno da corporación provincial tras saír rexeitada unha iniciativa que pedía a reprobación de Tomé polas súas palabras cara á deputada autonómica e líder dos populares de Lugo, Elena Candia.

“Equivocáronse abandonando unha institución. O respecto ten que empezar por un mesmo e se non respectan a institución provincial, tampouco están lexitimados para pedir outras cousas para eles”, aseverou este xoves o tamén alcalde monfortino.

O pasado martes, os deputados do Grupo Popular na Deputación de Lugo abandonar o pleno despois de que o PSOE e o BNG rexeitasen cos seus votos unha moción que expuña a reprobación e condena institucional polas declaracións nas que Tomé comentou a forma de vestir de Candia tras unha protesta convocada polo PP ante o goberno provincial.

Please wait while you are redirected...or Click Here if you do not want to wait.