Fernández Liñares, condenado a cinco anos de cárcere por suborno e prevaricación

O expresidente da Confederación Hidrográfica Miño Sil tamén queda inhabilitado durante 20 anos para exercer un cargo público.

O expresidente da Confederación Hidrográfica Miño-Sil (CHMS) e exconcelleiro de Urbanismo de Lugo, Francisco Fernández Liñares (i), e o seu avogado, Evaristo Nogueira, á súa chegada á Audiencia Provincial de Lugo para sentar no banco.. EUROPA PRESS/ C. Castro. POOL - Europa Press

A sección segunda da Audiencia Provincial de Lugo condenou a cinco anos de cárcere por suborno e prevaricación ao expresidente da Confederación Hidrográfica Miño-Sil (CHMS), Francisco Fernández Liñares, que foi xulgado xunto a nove empresarios.

O tribunal tamén lle impuxo a inhabilitación para desempeñar un emprego ou cargo público durante 20 anos, así como o pago dunha multa de 7.200 euros, segundo informou o Tribunal Superior de Xustiza de Galicia (TSXG).

Esta é a primeira peza separada da macro operación bautizada como ‘Pokémon’ e que xulgou as comisións que cobraba ou recibía por parte de empresarios que, a cambio, obtiñan concesións de obras da Confederación. Oito dos nove xulgados recoñeceron na vista que entregaran contías ao agora condenado.

Please wait while you are redirected...or Click Here if you do not want to wait.