InicioPolíticaO PSdeG leva ante Educación o reparto de máscaras con simboloxía política...

O PSdeG leva ante Educación o reparto de máscaras con simboloxía política no CEIP de Becerreá

Alumnado deste centro recibiu material de prevención do coronavirus co logotipo do partido de Manuel Martínez.

PUBLICADA O

- Advertisement -

EFE | O deputado autonómico e portavoz do PSdeG no Parlamento de Galicia, Luís Álvarez, informou hoxe de que rexistrou varias iniciativas na cámara autonómica para coñecer a postura da Consellería de Educación sobre o reparto do material para a prevención da Covid-19 con simboloxía do partido do alcalde no colexio de Becerreá.

Luís Álvarez aclarou que a súa intención é coñecer “se a Consellería de Cultura, Educación e Universidade ten coñecemento do reparto dese material” no CEIP San Xoán de Becerreá por “parte do profesorado”. O deputado socialista tamén lle pregunta á Consellería se considera aceptable o sucedido e se ten pensado adoptar “algunha medida” con respecto “ás persoas responsables” dos sucedido.

“CACIQUIL E ADOUTRINADOR”

A portavoz socialista no municipio de Becerreá, Isabel Rubinos, denunciou que o alcalde da localidade e antigo compañeiro no PSdeG-PSOE, Manuel Martínez, distribuíu no centro educativo da localidade material anticovid co logotipo de Galicia Sempre, o seu partido político.

Para a portavoz socialista, trátase dun “auténtico escándalo e dunha actitude inaceptable por parte do alcalde de Becerreá e de todo o seu goberno”. Cualificou tal actuación de “caciquil” e asegurou que “mostra a cara máis sectaria do goberno de Manuel Martínez”, que busca “adoutrinar aos máis novos do municipio”.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...