InicioSociedadeVilalba acolle unha protesta do BNG contra os recortes en Atención Primaria

Vilalba acolle unha protesta do BNG contra os recortes en Atención Primaria

Os nacionalistas esixen 100 millóns máis para este servizo nos Orzamentos do 2021.

PUBLICADA O

- Advertisement -

O BNG organizou este sábado, fronte ao centro de saúde de Vilalba, unha concentración para clamar contra os “recortes” da Xunta en Atención Primaria, para a que os nacionalistas piden 100 millóns de euros máis nos orzamentos autonómicos de 2021.

A deputada do Bloque no Parlamento galego Olalla Rodil participou, xunto a decenas de membros da formación no municipio, nesta protesta que levou por lema ‘Defendamos a Sanidade Pública Galega, Non aos Recortes na Atención Primaria’.

Neste contexto, Rodil sinalou á Primaria como “unha peza chave para xestionar e frear a pandemia”, polo que instou á Xunta a “garantir o persoal e os materiais precisos” para o seu “total funcionamento”.

A tamén viceportavoz do BNG no Parlamento insistiu en que se necesita “desconfinar” a Primaria, porque “hai que atender aquelas persoas que seguen sufrindo as mesmas enfermidades antes de que chegase a covid-19”.

Ademais, os nacionalistas reclamarán na Cámara galega protocolos “claros” para finalizar coas “discriminacións e desigualdades” que se detectan na atención sanitaria galega nos últimos meses, segundo denuncian.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...