InicioPolíticaNovos recursos xudiciais no caso das Torres do Garañón

Novos recursos xudiciais no caso das Torres do Garañón

Asociación en Defensa de las Cuestas del Parque recorre ao contencioso para esixir a derriba das torres do Garañón

PUBLICADA O

- Advertisement -

O presidente da Asociación en Defensa de las Cuestas del Parque, Marcos Bourio, anunciou que, “debido ao atraso do xulgado do penal”, van presentar unha “demanda de reposición da legalidade” ante o contencioso-administrativo sobre as torres do Garañón, que se sitúan aos pés do parque Rosalía de Castro da cidade de Lugo.

Bourio xustificou dita acción no “atraso do xulgado do penal” nesta causa, iniciada por Pilar de Lara e que recae agora sobre outro xuíz. No procedemento permanecen imputados o exalcalde de Lugo Xosé López Orozco, e o exconcelleiro de urbanismo e exsecretario xeral do PSdeG José Ramón Gómez Besteiro.

“Imos meter unha demanda de reposición da legalidade e derruba (das torres) no xulgado do contencioso e esperamos tela feita esta semana e iniciar esoutra vía para seguir e ver se derrubamos isto dunha vez“, subliñou.

As defensas de Orozco como de Besteiro pediron que se aparte da causa tanto a empresa Malleo como esta asociación, unha retirada do proceso que non contempla Bourio. “Estamos perfectamente lexitimados, en varias ocasións fixéronse intentos de apartarnos, pero somos lexítimos participantes no preito”, subscribe.

Bourio incide en que, nesta nova fase, pedirán que “se derruben esas torres dunha vez, e se volva á situación inicial de antes de que se iniciasen aí os traballos”. O activista veciñal tamén aproveitou para alertar do “perigo” dese “esqueleto urbanístico”, lembrando que “unha persoa caeu desde aí, e organízanse moitos botellóns ou se fan pintadas”. “Vese un perigo grande aí, calquera día pasa unha desgracia pero iso xa non é responsabilidade nosa”, resolveu.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...