A Deputación Provincial de Lugo aprobou na xornada deste xoves o Plan Único cunha inxección de 21,3 millóns de euros que serán repartidos polos 67 concellos da provincia. Esta medida permitirá aos municipios usar parte deses fondos para paliar a crise económica debido á paralización da actividade polo coronavirus.
Da cantidade total, máis de dez millóns serán destinados unicamente a facer fronte ás contixencias derivadas da crise da Covid-19. “Este é un plan ambicioso e necesario para manter a economía da provincia”, subliñou o presidente do ente provincial, José Tomé, en declaracións a Europa Press.
“O MOMENTO DE ARRIMAR O OMBREIRO”
O Plan foi aprobado nun pleno celebrado de forma telemática, onde o máximo mandatario provincial destacou que “non é momento de facer política, senón de axudar e arrimar o ombreiro entre todos”. Por iso, José Tomé tendeu a man á Xunta de Galicia para “todo o que necesiten desde o organismo autonómico”.
