InicioPolíticaO PSdeG acusa a Feijóo de "atrancar" os grandes proxectos de Lugo

O PSdeG acusa a Feijóo de “atrancar” os grandes proxectos de Lugo

"Pode haber un atraso, que todos podemos entender como normal, pero que 20 anos despois estea sen concluír...", censurou Lara Méndez sobre o plan Paradai.

PUBLICADA O

- Advertisement -

Os socialistas galegos acusaron ao presidente da Xunta, Alberto Núñez Feijóo, de “atrancar” e “meter nun caixón” os grandes proxectos comprometidos coa cidade de Lugo, urbe coa que o Goberno galego “non cumpre”. Así o denunciou este venres o xefe de filas dos socialistas galegos, Gonzalo Caballero, quen visitou a cidade en compañía da alcaldesa, Lara Méndez, así como doutros cargos socialistas.

“Hoxe estamos aquí para pór un exemplo de como a falta de compromiso da administración autonómica impide, cando non desenvolve o plan Paradai, a posibilidade de ter unha cidade máis urbanizada, máis conectada, con máis calidade de vida”, manifestou Gonzalo Caballero.

Na súa intervención, o dirixente socialista acusou a Feijóo de meter “nun caixón” grandes proxectos como “a Rolda Este, o Museo da Romanización no Cuartel de San Fernando e o Plan Paradai”. “Feijóo atranca e non desatasca os grandes compromisos e impide que os veciños de Lugo teña avances e poidan vivir nunha cidade cada vez máis cómoda, urbanizada e con máis servizos sociais”, apuntou.

Fronte a iso, deixou claro o compromiso dos socialistas galegos coa cidade. “Cando os veciños decidan nas urnas que haxa un goberno socialista na Xunta, teremos un claro compromiso con esta cidade”, apuntou.

LARA MÉNDEZ

Pola súa banda, a alcaldesa de Lugo, Lara Méndez, citou o caso do Plan Paradai para lamentar que, despois de 20 anos, “estea aínda en concurso”. “Pode haber un atraso, que todos podemos entender como normal, pero que 20 anos despois estea sen concluír…”, censurou a rexedora.

“As cidades son dinámicas, non podemos estar 20 anos requirindo o financiamento dos mesmos proxectos cando xa hai eses compromisos adquiridos. Por tanto, as palabras de Feijóo xa non valen nada”, manifestou Méndez.

ÚLTIMAS

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...

Panadeiros piden “un convenio moderno e con garantías para o sector” na provincia

Un grupo de panadeiros, en representación dos 1.500 que hai na provincia de Lugo,...