O candidato de Ciudadanos pola provincia de Lugo, José Manuel Blanco, criticou este xoves que, en 40 anos de democracia, “o PP e o PSOE non foron útiles para a provincia” e reivindicou o compromiso da súa formación para que Lugo “sexa escoitado no Congreso”.

“O voto útil é o que sexa útil para vostedes. Que ninguén vos diga cal é o voto útil”, dixo Blanco, que criticou o abandono que sofre a provincia, onde “faltan infraestruturas, autovías ou a chegada do AVE”.

De cara ao próximo domingo, o candidato indicou que se compromete a representar á provincia no Congreso, xa que “Lugo merece outra representación” en Madrid, coa que poida “ser escoitada”. “Pido o voto convencido para Ciudadanos porque quero o mellor para esta provincia”, resolveu.