InicioMedioambiente e PatrimonioÉ compatible a vida dos lobos coa dos cabalos salvaxes?

É compatible a vida dos lobos coa dos cabalos salvaxes?

O BNG de Muras pide axudas contra os ataques dos lobos logo do recoñecemento da Feira do Poldro como Festa de Interese Turística Galega.

PUBLICADA O

- Advertisement -

Facía tempo que o recoñecemento dunha festa en Lugo como de Interese Turística daba tanto que falar. O pasado xoves, o presidente da Xunta, Alberto Núñez Feijóo, anunciaba a declaración da Feira do Poldro de Muras, como Festa de interese Turística Galega.

O rexedor da localidade, o nacionalista Manuel Requeijo, aproveitou este recoñecemento para lanzar unha seria advertencia á Xunta polos últimos ataques de lobo á poboación de poldros. Foi no marco dunha conferencia de prensa co delegado da Xunta en Lugo, José Manuel Balseiro, na que o alcalde criticou o abandono da Consellería do Medio Rural ante a problemática dos ataques de lobo na comarca.

“Agradecemos moitos esta distinción pola que levamos traballando arreo, pero as feiras necesitan animais e no noso caso a situación actual cos ataques da fauna salvaxe poñen trabas ao seu desenvolvemento porque a Feira da Poldro será imposible se non hai animais para celebrala”, espetou Manuel Requeijo.

O rexedor dixo que mantivo varias reunións coa conselleira pero que non logran ver unha saída á situación actual. Por isto demandou “o apoio do goberno da Xunta de Galicia en relación ao desamparo ao que están sometidas as gandeirías da zona en canto aos numerosos ataques do lobo”. Tamén se referiu á falta de medidas eficaces para loitar contra o despoboamento no rural.

FEIRA DO POLDRO

A Feira do Poldro e do Gando de Muras convoca no mes de setembro a milleiros de veciños e visitantes nun evento que se celebra dende hai máis de 30 anos. Naceu enfocada á exaltación e comercialización do poldro e da súa carne, un produto autóctono, criado en liberdade e cunha alimentación complementaria natural, aínda que tampouco se desatenden outros sectores como o gando vacún. Así, desde o amencer ate o mediodía a actividade principal é a compra venda de gando. Logo, dáse paso a unha tarde máis lúdica na cal se celebran carreiras e espectáculos ecuestres.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...