A Deputación de Lugo ofrecerá dúas liñas de axudas para reforzar o tecido asociativo dedicado á Reserva da Biosfera dos Ancares, unha de 70.000 euros destinados ao financiamiento de actividades e unha nova de 50.000 euros para investimentos, o que supón 120.000 euros en total e un incremento do 140% en axudas respecto ao ano pasado.
Así o anunciou a deputada de Réxime Interior, Promoción do Territorio e Turismo, Pilar García Porto, que presidiu este xoves os órganos reitor e participativo da Reserva da Biosfera Ancares Lucenses, Montes de Cervantes, Navia e Becerreá, nun acto no que tamén participou o deputado do Medio Ambiente, Carlos López, e o deputado de Promoción Económica e Social, Pablo Rivera Capón, segundo informou a Deputación nun comunicado.
Tal e como detallou, estas subvencións responden o “compromiso” destes colectivos co “rural e o medio ambiente”, que contribúen a que a Reserva dos Ancares se consolide como un “espazo de referencia” en “termos de protección ambiental” e como “modelo de desenvolvemento equulibrado e inclusivo”.
Nesta liña, os órganos reitor e participativo aprobaron a proposta das actuacións estratéxicas para 2025, centradas na conservación, o desenvolvemento sustentable e o apoio loxístico da Reserva, enmarcadas no Plan de xestión para 2024-2034 aprobado o ano pasado.
Do mesmo xeito, a deputada anunciou a incorporación de catro novas asociacións ao órgano participativo da Reserva, que xa conta con 33 entidades: a Asociación Territorio Verde, Acode Dumia Cervantes, a Agrupación de Voluntarios de Protección Civil de Cervantes e a Asociación de Veciños do Fabal.
O PROGRAMA DE ACTUACIÓNS DESTE ANO
Así mesmo, tamén trataron o programa de actividades da Deputación para este ano, composto por 60 accións de educación e divulgación ambiental, programas de reforestación, actuacións da iniciativa destino Stalight, que inclúe aqueles lugares idóneos para contemplar estrelas, actividades ambientais da rede de Centros de Atención a Maiores ou a colaboración co proxecto do Corredor de Ecoturismo de España Verde.
Respecto deste último, que ofrece experiencias de ecoturismo en espazos naturais protexidos, García Porto sinalou que a Deputación seleccionou ‘A ruta do Castrexo’ e ‘A fauna de Ancares’, un taller cultural e unha ruta guiada, para este programa que ten por obxectivo a “creación e promoción turística” de experiencias relacionadas co “medio ambiente e a natureza”.
VISITA DA COMISIÓN EUROPEA
Por outra banda, a Comisión Europea visitou Lugo para avaliar o impacto positivo do proxecto ambiental da Deputación, desenvolvido entre 2017 e 2022 na Serra do Xistral, ‘Life in Commond Land’, que recentemente foi elixido pola Comisión como exemplo a seguir pola súa xestión e os seus resultados na conservación mediambiental.
Así, o presidente da Deputación, José Tomé Roca, recibiu á representante da Comisión Europea Sara Barceló, que tamén forma parte do organo ELMEN, encargado de avaliar os proxectos europeos LIFE, segundo trasladou a administración provincial nun comunicado.
Sobre este proxecto, Tomé ha recaldado a continuidade da iniciativa ‘After Life’ durante este ano co fin de “asegurar a conservación” de Serra do Xistral para as “xeracións futuras”, e destacou que este recoñecemento é froito do traballo “conxunto e colaborativo” entre “institucións públicas, comunidades locais e investigadores” .
