InicioMedioambiente e PatrimonioO Camiño Francés recollerá firmas entre os peregrinos para frear o proxecto...

O Camiño Francés recollerá firmas entre os peregrinos para frear o proxecto de Altri

Dende a Fraternidade Internacional do Camiño de Santiago (FICS) lembran que o proxecto expón a instalación dunha planta industrial "que producirá anualmente 200.000 toneladas de lyocell, un tecido téxtil, e 400.000 toneladas de celulosa, nunha localización a apenas dous quilómetros do emblemático Camiño de Santiago".

PUBLICADA O

- Advertisement -

Camiño Francés, liderado pola Fraternidade Internacional do Camiño de Santiago (FICS), anunciou o lanzamento dunha campaña internacional de firmas co obxectivo de “frear” o proxecto de Altri de Palas de Rei. Segundo recollen nun comunicado, varias asociacións do Camiño de Santiago, incluído Camiño Francés Federación e FICS, que xa presentaron as súas alegacións ao proxecto, agora “unen forzas” asinando un manifesto conxunto co que comezarán a solicitar apoios de peregrinos de todo o mundo a partir desta semana.

Lembran que o proxecto expón a instalación dunha planta industrial “que producirá anualmente 200.000 toneladas de lyocell, un tecido téxtil, e 400.000 toneladas de celulosa, nunha localización a apenas dous quilómetros do emblemático Camiño de Santiago“. No manifesto sinalan que o Camiño “non é unha burbulla con franxas de protección de 30 metros, como marca a normativa”. “Os conceptos modernos de paisaxe e concas visuais sinalados polo Consello de Europa (Convenio Europeo da Paisaxe, Florencia, ratificado polo Estado español o seis de novembro de 2007) son absolutamente ignorados por esta barbarie de proxecto”, afirman.

Afean tamén o “silencio, cando non absoluta complicidade” da Administración Pública e de numerosas institucións creadas “precisamente para velar polo respecto e a integridade dun patrimonio único, legado por miles e miles de seres humanos ao longo da historia“. “É aterrador”, lamentan. Sobre isto, insisten en que o Goberno español é o “responsable absoluto” da súa protección. Conclúen pedindo ás administracións competentes que non “desatendan as máis de 20.000 alegacións presentadas polas canles administrativas e as xa máis de 25.000 firmas recollidas pola preocupación do valor ecolóxico ameazado“.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...