“Eu formeime no Hospital Universitario Lucus Augusti e alí había moitos casos xa que é moi común nos concellos da montaña lucense, sendo o epicentro Fonsagrada e Ribeira de Piquín. Agora, dende hai uns anos, estou a traballar no Hospital Público de Monforte de Lemos e aínda non vin o primeiro caso. Polo tanto a posibilidade de ver casos depende moito da zona na que traballes”. Fala o doutor Manuel Lourenzo López Reboiro, profesional que fai medicina interna xeral no Hospital Público de Monforte de Lemos e que ademais ten unha consulta monográfica de insuficiencia cardíaca tipo UMIPIC.
As súas recomendacións, “inspeccionarse e levar botas altas que impidan que suban as carrachas”.
