InicioMedioambiente e PatrimonioAdega pide a paralización das obras de Carril das Flores por afectar...

Adega pide a paralización das obras de Carril das Flores por afectar a dous bens Patrimonio da Humanidade en Lugo

Adega xa presentou un recurso de casación ante o Tribunal Supremo por estas obras, que esperan que se resolva favorablemente aínda que non descartan ir pola vía penal contra o executivo local no que están o PSdeG e o BNG.

PUBLICADA O

- Advertisement -

Os ecoloxistas de Adega volveron a pedir ao Concello de Lugo que paralice as obras en Carril das Flores xa que, segundo denuncian, afecta a dous bens Patrimonio da Humanidade, como son a Muralla Romana e o Camiño Primitivo ao seu paso pola cidade.

A asociación ecoloxista explicou que os traballos contan coa aprobación do concello e que tamén afectan a unha pasarela que une a rúa San Roque coa Rolda da Muralla, no que foi no seu momento unha solución provisional hai máis de 40 anos e que non se viu corrixida ata agora.

Un dos portavoces de Adega, Froilán Pallín, precisou que este martes se lle presentou un escrito á alcaldesa, Lara Méndez, “para que paralice isto porque non é legal”. Pallín debullou que “aí non hai unha licenza de edificación, nin proxecto e o Pepri desa esquina de facto modifica o Plan Xeral de Ordenación Municipal e, por tanto, non respecta a legalidade”.

“É unha zona onde conflúen dúas zonas que son espazos que son Patrimonio da Humanidade, como a muralla e o camiño primitivo. É un despropósito e pretendemos pola vía legal non permitir unha barbaridade deste tipo“, engadiu. Adega xa presentou un recurso de casación ante o Tribunal Supremo por estas obras, que esperan que se resolva favorablemente aínda que non descartan ir pola vía penal para lograr frear estes traballos.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

Non sae adiante a iniciativa parlamentaria do BNG para frear a instalación de Altri en Palas

A comisión 8ª de Pesca e Marisqueo do Parlamento de Galicia rexeitou este martes unha proposición...

Un veciño de Melide sería o autor de varios incendios nunha mesma zona da Serra do Careón

A Garda Civil investiga a un veciño de Melide, de 33 anos de idade, como suposto...