InicioMedioambiente e PatrimonioEcoloxistas piden anular a concesión ao Fluvial por ocupar un espazo da...

Ecoloxistas piden anular a concesión ao Fluvial por ocupar un espazo da Rede Natura

Entenden que o uso "deportivo e de ocio" destas instalacións é "totalmente incompatible" coa xestión dunha área natural pública protexida.

PUBLICADA O

- Advertisement -

A organización Ecoloxistas en Acción solicitou á Confederación Hidrográfica do Miño-Sil (CHMS) que se anule a concesión ao Club Fluvial de Lugo pola cal lle permite manter unhas instalacións de uso privado na beira do río Miño. Resaltan que o Fluvial se atopa dentro da Rede Natura 2000 e “o seu uso deportivo e de ocio é totalmente incompatible coa adecuada xestión dun espazo público protexido de gran valor cultural e ambiental”.

Nunha alegación escrita, o grupo ecoloxista insiste en que esta concesión supuxo que “durante décadas” se utilizase este espazo “de forma privada e exclusiva polos membros desa sociedade ocupando cada vez máis e máis espazo do río sen cumprir as condicións mínimas, como son respectar o camiño de servidume”. Entenden que todo isto supón unha “expropiación encuberta” a favor dun ente privado e en contra do ben común dos veciños.

Ademais de que se anule a concesión, Ecoloxistas en Acción demanda que posteriormente se recupere a ribeira do río “danada” para así minimizar o impacto ambiental causado. O escrito presentado ante a CHMS tamén conta co apoio da Asociación cultural e ambiental Petón do Lobo, Asociación galega Cova Crea, Verdegaia, Asociación Ríos con Vida, Asociación Terra Chá Sostible e Asociación Bico de Grao.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...