InicioMedioambiente e PatrimonioInvestigan a autoría de catro lazos colocados nun monte de Baleira para...

Investigan a autoría de catro lazos colocados nun monte de Baleira para apresar xabaríns

As trampas foron localizadas en Cabreira, parroquia de Cubilledo, e estaban situadas nos lindes dunha leira para impedir o acceso dos animais salvaxes e os danos que provocan.

PUBLICADA O

- Advertisement -

A Garda Civil retirou este mércores en Baleira catro lazos colocados para impedir o acceso dos xabaríns ao interior das leiras e así evitar os danos que provocan nas mesmas. Estaban situados nos límites duns prados no monte de Cabreira, parroquia de Cubilledo.

Segundo informou o Instituto Armado, os lazos, de catro milímetros, “atopábanse estratexicamente colocados” nas entradas por onde supostamente acceden os animais salvaxes. Os lugares onde estaban as trampas “foron acondicionados manualmente” e podíase observar que estas levaban sendo usadas “desde hai tempo”, posto que tiñan algunhas partes “oxidadas”.

Por mor da investigación efectuada propúxose para sanción o presunto autor e propietario destes lazos, o cal se enfronta a unha infracción administrativa á Lei de caza de Galicia e á Lei de Patrimonio natural e Biodiversidade que regula os métodos non selectivos para a caza.

ÚLTIMAS

Segue a busca da octoxenaria desaparecida en Lugo

A Policía Nacional de Lugo continúa dirixindo o operativo de procura de Isaura, de...

A Deputación de Lugo aproba a licitación para polígono da Fonsagrada, por máis de 2,6 millóns de euros

A Deputación de Lugo deu un paso decisivo para dotar á Fonsagrada de chan...

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...