InicioMedioambiente e PatrimonioAs Xornadas Interxeracionais Rurais de Xermade cumpren 14 anos cun variado programa

As Xornadas Interxeracionais Rurais de Xermade cumpren 14 anos cun variado programa

Charlas, xogos, obradoiros de radio e exhibicións de torno son algunhas das actividades da décimo cuarta edición destas Xornadas adicadas ao rural de Xermade

PUBLICADA O

- Advertisement -

A asociación de veciños de Cabreiros, o Concello de Xermade e a Facultade de Ciencias da Educación da Universidade de Santiago (USC) organizan a décimo cuarta edición das Xornadas Interxeracionais Rurais, que comezarán o 26 de maio e durarán ata o 9 de xuño.

A xornada inaugural adicarase á agricultura e gandería, con especial fincapé no monte e como xestionalo para previr incendios. A organización contará con dúas empresas gandeiras e dúas froiteiras.

O 1 de xuño, día da segunda xornada, a actividade será no Ceip de Xermadecentro que tamén colabora coa iniciativa. Haberá xogos populares e tradicionais, para non esquecer a importancia do ocio nas nosas vidas.

saúde será a protagonista da mañá do 2 de xuño. A psiquiatra Sonia Gómez ofrecerá unha charla sobre os estigmas sociais das enfermidades mentaisFernando Prieto, veciño de Xermade, falará sobre a súa visión e experiencia. Ademais, haberá un obradoiro de primeiros auxilios, que terá un cariz práctico, a cargo de María Jesús Castro Abella, doutora no PAC de Vilalba, e Manuel Cabarcos Calvo, técnico de Emerxencias Sanitarias.

Ese mesmo día, pola tarde, haberá un laboratorio de radio, dirixido por Lucía Abarrategui e Sergio Pascual. Unha parte estará adicada a coñecer a experiencia de Brais Couto Carbia, alumno de Educación Social da USC. Porá o broche de ouro a esta actividade a veciñanza de Xermade, que protagonizará unha peza de radioteatro, ‘O Ladrón das Letras Grandes’.

No peche, o día 9, farase entrega dos agasallos aos traballos premiados no quinto certame de investigaciónXermade na Historia. María Martín Seijo presentará un traballo sobre a arqueoloxía de madeira Vicente Ledo, torneiro e creador do encontro de torneiros que ten lugar no municipio, falará deste oficio. Os Amigos da Madeira de As Pontes e Lolo de Severiano participarán nunha demostración práctica da utilización do torno.

TODOS OS TALLERES SON GRATUÍTOS

As xornadas, financiadas polo Concello e a Deputación Provincial de Lugo, pretenden unir a nenos, adultos e maiores para reflexionar sobre a vida no rural. Todas as actividades son gratuítas e non precisan de inscrición.

ÚLTIMAS

“Boa noticia para Lugo”, o TSXG confirma que o Concello de Lugo non ten que indemnizar ao promotor do Garañón

O Tribunal Superior de Xustiza de Galicia (TSXG) confirmou o fallo do Xulgado do...

Acepta ano e medio de prisión por insultar, acosar e ameazar a unha parella homosexual da cidade

Un home acusado de insultar, acosar, amedrentar e ameazar de morte a unha parella...

O PP oponse a rexeitar o proxecto de Altri, como pide o BNG

O Partido Popular opúxose este martes a rexeitar o proxecto de planta de celulosa de Altri...

A Deputación de Lugo reivindica o seu modelo de residencias de maiores

O responsable de Promoción Económica e Social da Deputación de Lugo, Pablo Rivera Capón,...