InicioMedioambiente e PatrimonioAsociacións de recreación histórica apostan polo MVRO en San Fernando para recoller...

Asociacións de recreación histórica apostan polo MVRO en San Fernando para recoller a historia da cidade

Aseguran que non son contrarios á creación dun Parador, porque "Lugo tamén o pode necesitar". Pero, a diferenza da Xunta, non ven que o sitio ideal sexa o cuartel de San Fernando, con enorme valor arqueolóxico.

PUBLICADA O

- Advertisement -

EFE.- Representantes das asociacións de recreación histórica que forman parte da organización do Arde Lucus, compareceron hoxe en rolda de prensa para facer público o seu apoio á creación do Museo da Romanización —MVRO— no cuartel de San Fernando.

Os representantes deses colectivos deixaron claro que non se opoñen, en ningún caso, á creación dun Parador en Lugo, un servizo que, ao seu xuízo, pode ser beneficioso para a cidade e mesmo supoñer un revulsivo desde o punto de vista económico. Pero, a diferenza do que expón a Xunta de Galicia, opinan que o lugar adecuado para facelo non é o Cuartel de San Fernando.

REUNIR E “VISIBILIZAR” OS RESTOS ARQUEOLÓXICOS

Nese sentido, precisaron que o Cuartel de San Fernando é un Ben de Interese Cultural “a protexer”, de modo que “o novo uso que se lle vaia a dar non pode supoñer nin a transformación” do edificio nin tampouco “unha perda das súas características construtivas ou tipolóxicas”, sen esquecer que “o seu subsolo é un xacemento arqueolóxico en si mesmo, tal e como se puido verificar coas catas realizadas pola Xunta no ano 2010”.

Segundo estes colectivos, o MVRO é necesario en Lugo porque “como cidade de orixe romana, necesita dun museo que fale da súa historia e da súa evolución”. Ademais, lembran que hai “15.000 obxectos catalogados” da época romana na cidade e “non se sabe nin cantos están aínda” sen inventariar. Segundo Manuel Buxán, que exerceu de voceiro destes colectivos, un Museo da Romanización en San Fernando daríalles “visibilidade” a eses restos arqueolóxicos. Asegurou que habían defender a súa creación “con toda a forza” posible.

O PARADOR SI, PERO NOUTRO LADO

“Nós non nos opoñemos á creación dun parador, pero tampouco queremos que sexa un parador e un museo, porque iso desvirtuaría os restos de Lucus Augusti. Ao final, o dono do museo ía ser o dono do parador e aquí faise sempre o que din os donos”, engadiu Buxán.

En todo caso, pediu á Xunta de Galicia que “non abandone a idea” de promover a construción dun parador porque “Lugo tamén o pode necesitar”, pero “non no cuartel de San Fernando”. EFE

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...