Aló en Fonmiñá, onde nace o río Miño, amoréanse pedras que foron testemuñas de milleiros de anos de historia. É o Pedregal de Irimia, un recanto único pola súa paisaxe, pero tamén polos misterios que garda en forma de lendas. A sabedoría popular tentou buscarlle unha explicación á orografía rochosa daquel lugar e deu en crear o personaxe da bruxa Irimia, unha meiga que arrebolaba pedras aos monxes de Meira para evitar pagar os seus tributos.
As rochas que ía tirando amontoábanse á beira do río e mesmo chegaban a tapalo, de xeito que impedirían o acceso dos clérigos á zona alta do Miño. Hai quen tamén conta que o embruxo facía medrar as pedras, agora enormes, ou tamén que os eclesiásticos quedaran atrapados no medio delas.
Non é a única lenda que xira en torno ao nacemento do Miño. Podes ler a información completa en Historia de Galicia.
