InicioSociedadeOutra vida para a roupa dos lucenses

Outra vida para a roupa dos lucenses

A Fundación Humana recolleu 59 toneladas de téxtil na provincia durante a primeira metade deste 2019. Os datos son os máis baixos de toda Galicia e aínda resultan ridículos en comparación coa roupa que se desbota.

PUBLICADA O

- Advertisement -

Nunha sociedade que alenta o consumismo e que se sostén sobre a cultura da inmediatez, a roupa é un dos bens que máis se moven no mercado. Mercamos roupa continuamente, esquecémonos da que temos no armario e axiña queremos estrear novas pezas. Daquela, cómpre lembrar a importancia de darlle unha segunda vida e interesarnos polas iniciativas de recollida e reutilización de téxtil. No primeiro semestre deste 2019, os lucenses doaron un total de 59 toneladas de téxtil nos colectores que dispón a Fundación Humana. Malia que a cifra pode semellar elevada nun principio, é ridícula en comparación coa cantidade de téxtil que se desbota.

Así pois, segundo as cifras de Humana Fundación Pueblo para Pueblo, na provincia de Lugo recuperáronse unhas 122.000 pezas de roupa na primeira metade do ano cun fin social e ambiental. En concreto, os municipios onde máis téxtil usado se recolleu son a propia capital (47’8 toneladas), seguida de Vilalba (7’1) e Guitiriz (2’5 toneladas). Estas doazóns proceden dos colectores verdes colocados nalgúns puntos da provincia a través de acordos cos Concellos ou con entidades privadas.

Roupa, calzado, teas de utensilios do fogar, complementos… Téxtil que xa non se utiliza, pero que está en bo estado e pode ter unha segunda vida; é unha forma de aportar un grao de area no coidado do medio ambiente, tendo en conta a contaminación que provoca esta industria en xeral.

ONDE ACABA ESTA ROUPA?

A maioría das pezas de roupa depositadas nestes colectores (o 85%) é tratada en plantas de preparación para un novo uso. Sería, por exemplo, en tendas de segunda man na propia España ou incluso en África, a onde se exportaría e onde se vendería a “prezos moi baixos”. O 15% restante véndese a empresas de reciclaxe. Lonxe de ser unha organización que destina este material de maneira gratuíta para persoas sen recursos, acaban por sacar beneficio da súa venda.

DATOS PARA GALICIA E ESPAÑA

Respecto ao total de pezas recollidas en Galicia, a cifra alcanza as 763’5 toneladas. A Coruña sitúase a cabeza, con 305; logo está Pontevedra, con 314; e, en terceiro lugar, Ourense, con 81. A provincia de Lugo non chega ás 60 toneladas recicladas. Ademais, dende a Fundación Humana alertan de que tan só o 10% de téxtil é recuperado por un xestor autorizado. O 90% da roupa desbotada acaba en vertedoiros, din.

Por iso, a organización “aplaude” o labor dos concellos que colaboran na recollida selectiva do téxtil, aínda que queda un “longo camiño por percorrer”, en palabras de Darío Gómez, responsable da Fundación en Galicia.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...