O Concello de Lugo informou de que a reapertura do canil de Frigsa, aínda que terá unha zona acoutada por motivos de seguridade tras as recomendacións técnicas realizadas despois dunha recente inspección.
Segundo indicou o consistorio nun comunicado, o servizo municipal de Medio Ambiente encargou de forma urxente unha visita de avaliación técnica, que foi realizada o 26 de febreiro, e, como resultado, recomendaron delimitar unha zona concreta do recinto e permitir a reapertura do resto do espazo en condicións de uso seguro.
Neste contexto, este luns sinalizaron a área afectada e procederon á reapertura parcial do canil, que xa pode ser utilizado pola cidadanía.
Así mesmo, o informe técnico indica a conveniencia de realizar unha prospección xeotécnica complementaria, para concretar con maior detalle o alcance da incidencia detectada e definir, de ser necesarias, as solucións máis adecuadas.
