A deputada do BNG por Lugo, Olalla Rodil, tachou os orzamentos da Xunta de Galicia como unha “sarta de incumprimentos” que “confirman o abandono do PP” á súa provincia.

Nun comunicado, Rodil fixo unha primeira valoración en clave lucense do proxecto de contas autonómicas para 2025 presentado polo Goberno galego, lamentando que se tratan dun conxunto de “promesas atrasadas no tempo, sen medidas novas”.

Para ela, proba deste “abandono” é o volver anunciar a reforma de centros de saúde que xa foron anunciadas varias veces, pondo de exemplo o de Meira ou o de Outeiro de Rei.

Ademais, a nacionalista criticou que continúa habendo varios proxectos que a Xunta “non termina” e “non destina os suficientes recursos”, como o Porto Seco de Monforte, “que leva máis de 10 anos en situación de parálise”.

“Levan máis de 10 anos, en concreto desde 2013, sen investir nin un só euro na cidade de Lugo en vivenda pública”, engadiu, reivindicado que o Bloque impulsará emendas para “pór os intereses e as necesidades dos lugueses” e “profundar nun maior compromiso con Lugo”.