A concelleira de Cultura, Turismo e Promoción da Lingua do Concello de Lugo, Maite Ferreiro, anunciou a actuación da artista coruñesa Sés nas festas de San Froilán 2024. O concerto terá lugar o domingo día 6 de outubro ás 22.00 horas na praza Horta do Seminario, segundo concretou, dentro da programación do ‘Domingo das mozas’.
A artista é mestra e licenciada en filoloxía galega e antropoloxía social. Comezou a súa formación no baile e na música tradicional galega e tras 12 anos de carreira musical ten un total de oito discos gravados, apunta o Consistorio.
