InicioSucesosUn home circulou 14 kilómetros en sentido contrario e baixo os efectos...

Un home circulou 14 kilómetros en sentido contrario e baixo os efectos do alcol pola A-6

PUBLICADA O

- Advertisement -

A Garda Civil investiga a un home de 55 anos por circular, en sentido contrario e baixo os efectos do alcol, durante 14 quilómetros pola autovía A-6, no termo municipal de Baralla.

Segundo informan, este sábado, ao redor das 20,30 horas, o vehículo foi interceptado por unha patrulla da Garda Civil de Lugo á altura do quilómetro 469, da autovía A-6 (Madrid-A Coruña).

O seu condutor e único ocupante, circulou polo menos durante 14 quilómetros en dirección Madrid, pero utilizando os carrís de circulación reservados para a circulación cara á Coruña.

Tras recibirse nos servizos de emerxencia varias chamadas alertando do ocorrido, organizouse un dispositivo para tratar de localizar e interceptar ao vehículo infractor. Non se produciu ningún sinistro viario.

O infractor é un home de 55 anos, veciño de Outeiro de Rei, e investigado por dous delitos contra a seguridade viaria, condución temeraria e pola condución baixo a influencia de bebidas alcohólicas, dado que foi sometido á proba de alcoholemia, que arroxou unha taxa superior a 0,60 mgr/l.

As dilixencias policiais instruídas serán remitidas ao Xulgado de Instrución de Becerreá.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...