InicioLugo e contornaLugoOs romanos e castrexos serán os protagonistas do cartel do 'Arde Lucus...

Os romanos e castrexos serán os protagonistas do cartel do ‘Arde Lucus 2022’

As bases para participar no concurso no que se elixirá o cartel anunciador das festas xa son públicas.

PUBLICADA O

- Advertisement -

O Concelleiro de Xuventude, Mauricio Repetto, deu a coñecer esta mañá as bases que rexerán o concurso de deseño gráfico para elixir o cartel anunciador do Arde Lucus 2022. Tal e como anunciou,  a obra gañadora do concurso, ademais de converterse no cartel anunciador, recibirá un premio de 1.500 euros. Segundo avanzou Repetto, no concurso teranse en conta que os deseños reflexen o espíritu da festa Arde Lucus, facendo especial fincapé na “reconstrucción histórica e a volta da cidade a época da súa fundación, tendo en conta a romanos e castrexos como protagonistas”.

Doutra banda, o concelleiro sinalou que as obras presentadas serán exhibidas nas redes sociais do Arde Lucus, onde se fará unha votación popular da que se seleccionarán aquelas que logo serán sometidas á votación do xurado. “Unha vez realizada a primeira escolla, de forma on- line, seleccionaranse 10 carteis se o número total de traballos non supera os 50 e, no caso de que se houberan presentado máis de medio cento, entón elixiranse, a maiores dos 10 máis votados, o 10% do número total de obras presentadas”, explicou o concelleiro.

O prazo para a votación estará aberto desde as 12:00 horas do 5 de marzo ata as 12:00 horas do día 12 dese mes. Unha vez feito o reconto de votos, a selección farase pública a través das redes sociais oficiais do Arde Lucus e da propia web da festa e do Concello de Lugo. O Concello seleccionará un xurado formado por tres persoas expertas que será o encargado de seleccionar a obra gañadora entre as seleccionadas previamente pola votación popular o día 7 de marzo, ás 11.00 horas na Casa da Xuventude.

As bases completas estarán dispoñibles para todas as persoas interesadas na páxina oficial, na web municipal, ou no teléfono de atención cidadá 010.

 

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...