Os aspirantes a liderar o PSOE provincial de Lugo pecharon un acordo para presentar unha candidatura única que estará liderada polo presidente da Deputación, José Tomé, quen será o novo secretario xeral na provincia.
O pacto, do que informou este luns o partido nun comunicado, contempla que o alcalde de Castroverde, Xosé María Arias, ocupe un posto de “máxima relevancia” como é a Vicesecretaría Xeral.
O acordo foi rubricado este luns na sede do PSOE na provincia, coa presenza do secretario xeral do PSdeG, Valentín González Formoso.
