InicioLugo e contornaLugoDetido por violencia machista un home que ameazou con golpear e matar...

Detido por violencia machista un home que ameazou con golpear e matar á súa parella

Segundo relatou a muller, o home quería botala do seu domicilio e para iso chamou aos servizos sanitarios para lograr que a ingresaran.

PUBLICADA O

- Advertisement -

Un home foi detido acusado dun delito de violencia machista tras ameazar con golpear e matar á súa parella no municipio de Lugo. Unha patrulla da Policía Local de Lugo acudiu a unha vivenda da cidade, sobre as 1,55 horas da madrugada do 1 de outubro. A central recibiu o aviso dun home que alertaba que a súa parella inxerira varias pastillas.

Con todo, a muller negou os feitos e denunciou aos axentes que leva sufrindo insultos e malos tratos psicolóxicos de forma continuada por parte da súa actual parella, coa que reside, e que chegou a agredila fisicamente.

Segundo o relato da muller, o home quere botala do seu domicilio e busca chamar aos servizos sanitarios para lograr que a ingresen. Mentres os axentes conversaban coa muller, o home, que se atopaba no interior da vivenda, ameazou con golpeala e matala.

Ante esta situación, os axentes procederon á inmediata detención do suposto agresor e para o seu traslado a dependencias policiais, onde se instruíron dilixencias por un delito de violencia machista.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...