A Policía Local de Lugo tramitou oito actas de denuncia por celebración de botellóns durante o pasado fin de semana en Lugo no marco de controis para o cumprimento das medidas pola pandemia da Covid-19, ademais doutros catro por falta de respecto e consideración a axentes.
Segundo informou a Policía Local, durante o fin de semana pasado o Grupo Operativo Nocturno levou a cabo diferentes dispositivos para o control do cumprimento da normativa Covid.
En concreto, os axentes tramitaron oito actas denuncia por infracción á Lei de Saúde de Galicia pola práctica de botellóns e catro por incumprir a Lei de Protección da Seguridade Cidadá por falta de respecto e consideración a axentes de policía.
Así mesmo, a Policía Local levou a cabo catro actas de denuncia por infracción á Lei de Residuos de Galicia ao sorprender a catro novos cando ouriñaban en rúas do centro histórico.