InicioLugo e contornaLugoReaberto o caso do crime Cash Record: "Pode ser un momento decisivo...

Reaberto o caso do crime Cash Record: “Pode ser un momento decisivo do proceso”

O avogado das familias do crime do Ceao ve a declaración do investigado "necesaria" para sinalar xuízo.

PUBLICADA O

- Advertisement -

O avogado das familias do dobre crime do Cash Record do Ceao, Gerardo Pardo de Vera, ve na declaración do único investigado o próximo 13 de xullo “unha premisa necesaria” para sinalar “un hipotético xuízo oral” máis de 27 anos despois.

En concreto, o Xulgado de Primeira Instancia número uno de Lugo ditou o pasado 30 de xuño un auto polo que se chama a declarar ao principal sospeitoso para as familias, un camareiro e dono dun local no centro da cidade que agora reside en Burgos, e que pon hora ao crime, ocorrido o 30 de abril de 1994 “a partir das 19,52” da tarde.

Os cadáveres das dúas vítimas, a caixeira Elena López e o repoñedor Esteban Carballedo, presentaban varios disparos de pistola cando foron localizados pola irmá dela, ao fío das 20,00 da tarde dese mesmo día.

O avogado das familias sostén que a declaración do home o próximo día 13 pode “ser un momento definitivo do proceso”. Despois de idas e vindas na investigación, agora diríxense as sospeitas sobre a persoa que sempre identificaran as familias como o posible autor do dobre crime.

Neste contexto, Pardo de Vera advertiu que “agora a cuestión é avaliar a base probatoria para ditar as correspondentes resolucións xudiciais“. “Durante este tempo foise practicando dilixencias que pedimos reiteradamente e unha vez todas esas liñas conducían á mesma persoa, a xuíza entendeu que era suficiente para emitir este auto”, explicou.

Pasaron 27 anos desde que se cometeu este dobre crime e o avogado lucense manifesta que leu “que é o caso máis antigo aberto en España“. “Non o sei con certeza, pero imaxínome que si”, subliñou.

Pardo de Vera confesa que están “expectantes” ante esa declaración, programada para o 13 de xullo ás 10,30 da mañá, e interpreta que “vai responder a todas as preguntas que se lle fagan, tanto desde a Fiscalía, como desta acusación particular, como do seu defensa”. “Imos ver que contido ten esa declaración indagatoria e a partir de aí haberá que sopesar os seguintes pasos no proceso”, agrega.

En último termo será a Audiencia Provincial a que teña a última palabra sobre se se abre ou non xuízo oral: “Para nós sería unha satisfacción enorme”. Ademais, Pardo de Vera recoñece que lle sorprendeu “este último auto sobre un suceso que estivo a piques de prescribir de non mediar a presión das familias para que non se pechase o caso”.

ÚLTIMAS

Tomé, en reunións con Altri e Ulloa Viva: “Fibras téxtiles si, celulosa non”

O presidente da Deputación de Lugo, José Tomé (PSdeG-PSOE), mantivo este martes dúas reunións con...

Collidos mentres “puenteban” o contador eléctrico dunha vivenda

Axentes da Policía Local de Lugo identificaron a dúas persoas por manipular os cables de...

Reunión de Altri con empresas forestais de Lugo para presentarlles o proxecto de Palas de Rei

Representantes de Greenfiber, formada pola enerxética Greenalia e a multinacional lusa Altri, reuníronse coa...

Dúas persoas faleceron tras chocar a súa furgoneta cun camión de cereal en Begonte

Dúas persoas faleceron este martes en Begonte ao chocar a furgoneta na que viaxaban cun...