Axentes da Policía Local de Lugo detiveron a un home que tentou agredir a un efectivo deste corpo cando gritaba e ameazaba aos transeúntes na rúa.
Segundo relatou a Policía Local, os feitos sucederon sobre as 23,15 horas do pasado sábado, 19 de xuño, cando unha patrulla do Grupo Operativo Nocturno detectou na rúa Saúde a un home co torso espido, sen camiseta, que gritaba e ameazaba aos transeúntes.
Ao tratar de falar con el para saber que sucedía, de maneira súbita abalanzouse sobre un dos axentes e tentou propinarlle unha patada, polo que foi inmobilizado e detido por atentado a axentes da autoridade.
Inicialmente foi trasladado a un centro médico para a súa valoración, onde se puido saber, indican as mesmas fontes policiais, que o detido tivera unha relación sentimental cunha persoa e, cada vez que se embriaga, “regresa ao lugar onde esta persoa vive e empeza a increpala, montando escándalo“.
O detido en relación con estes feitos foi trasladado a dependencias policiais, onde se han instruídos dilixencias para o xulgado de garda.