InicioLugo e contornaLugoA Deputación de Lugo asigna outros 54 hortos urbanos na contorna do...

A Deputación de Lugo asigna outros 54 hortos urbanos na contorna do río Rato

Será nun complexo que queda ao carón da comisaría provincial, entre a Rolda da Muralla e a rúa Chantada na cidade de Lugo.

PUBLICADA O

- Advertisement -

A Deputación de Lugo asignou este venres, tras a xunta de goberno provincial, outros 54 hortos urbanos, na contorna do río Rato, de forma que xa ascenden a 109 as parcelas ocupadas.

Diso informou o presidente provincial, José Tomé, quen explicou que esta adxudicación se fixo a través dun proceso de concorrencia competitiva, no que primaron criterios sociais como vén sendo habitual. Así, entre outras cuestións, tívose en conta o estar en situación de desemprego, ser representante dun centro educativo ou traballar para un colectivo social, entre outros méritos de calado social”.

“No mes de marzo entregamos xa 55 hortos urbanos do Intre entre os usuarios e usuarias que xa traballan neles e, con esta nova asignación de 54 parcelas, suman xa 109 os hortos adxudicados dos 150 habilitados”, explicou para precisar que, para cubrir os outros que quedan libres, abrirase un novo procedemento nos próximos meses”.

Na xunta de goberno tamén se aprobou “a licitación, por un importe de 54.450 euros, do contrato para a prestación do servizo de mudanza e traslado de diferentes servizos da deputación ao Fogar de Santa María, despois das obras que desde hai anos veñen facendo para rehabilitar varios pavillóns”.

Unha vez concluídas os traballos no Fogar de Santa María “procédese agora á contratación do traslado de mobiliario e equipamento, das mudanzas dos servizos que van ir para alí”. En concreto, trátase dos servizos de recadación, os de cooperación e asistencia aos concellos, o servizo de medio ambiente, formación e asistencia xurídica”.

Tomé confía en que, a mediados de setembro, xa todos estes servizos sexan trasladados a ese complexo que queda ao carón da comisaría provincial, entre a Rolda da Muralla e a rúa Chantada na cidade de Lugo.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...