InicioMedioambiente e PatrimonioAlertan sobre o "desastre ambiental" que podería provocar a futura megagranxa avícola...

Alertan sobre o “desastre ambiental” que podería provocar a futura megagranxa avícola do Corgo

Unha asociación ecoloxista critica que o proxecto non contempla medidas para evitar a contaminación das augas a pesar da presenza de zonas húmidas na contorna.

PUBLICADA O

- Advertisement -

O colectivo Ecoloxistas en Acción entrevistouse cas forzas políticas do Concello do Corgo para compartir a súa preocupación ante o proxecto de magrogranxa avícola que está previsto que se instale no municipio cunha capacidade de máis de 70.000 pitos.

A organización ecoloxista, integrante da “Coordinadora Estatal Stop Gandería Industrial”, pon o foco nos riscos ambientais que tales instalacións poderían provocar. Falan, pois, de risco de envelenamento de acuíferos polas verteduras de xurros e mais da “forte pestilencia” que afectaría un amplo radio.

Explican que a “contaminación por nitratos das súas augas” estaría agravada no caso concreto deste proxecto do Corgo, pois as parcelas onde se pretende establecer a granxa “teñen unha faciana lacustre propia dun humidal ao estar atravesada por varios regatos alén do río Maceda“. Isto suporían, critican, que a contaminación chegaría aos mananciais próximos á zona.

A voceira de Ecoloxistas en Acción en Lugo, Nery Díaz, sinala que “na documentación do proxecto non se observa ningunha medida especial para evitar a contaminación. Non queremos que aquí suceda o que está pasando na Limia e contaminen as augas”.  “Pedímoslle aos partidos e á veciñanza do Corgo que rexeiten o desastre ambiental que se llen ven enriba de implantarse esta xigantesca macrogranxa”.

A modo xeral, afean que España se converteu no “refuxio das macro granxas ante unha industria que foxe da esixente regulación ambiental da maioría do paises europeos e busca lexislacións laxas  e gobernos permisivos para evitar asumir os costes ambientais que causan as súas explotacións cárnicas”.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...