Os mozos e mozas lucenses poderán desfrutar ao longo deste verán dun total de 10 camiñatas pola “igualdade” e a “sostibilidade” organizadas polo Concello da cidade e abertas á participación de todos os veciños entre 14 e 35 anos.
Segundo apuntan dende o consistorio, o número de prazas para cada unha das camiñatas é de 25 e a hora de saída será sempre ás 10:30 horas. O motivo destas camiñatas, destacan, é poñer de relevo unha serie de datas conmemorativas con especiais implicacións a nivel de igualdade e sostibilidade. Deste xeito, as camiñatas de sostibilidade partirán do Parque Rosalía de Castro –diante do busto da escritora-, mentres que no caso das andainas de sostibilidade (as primeiras en comezar) o espazo seleccionado serán os soportais do Concello, na Praza Maior.
As camiñatas contarán cos guías locais Guido Álvarez Parga e Lidia de la Fuente serán os encargados, respectivamente, de dirixilas. Dende o Concello destacan a implicación destas marchas cunha visión “peonil” e “igualitaria” da cidade, na que os viandantes conten co seu lugar.
As inscricións provisionais pódense realizar a través do enderezo xuventude@lugo.gal, facilitando o nome, apelidos, data de nacemento e teléfono, achegando, con caracter obrigatorio, foto ou fotocopia do DNI/NIE/PASAPORTE. No Concello apunta que os menores deberán ir acompañados por unha persoa adulta. A participación é gratuíta e primará ós mozos e mozas de 14 a 35 anos empadroados no Concello, se ben cabe a posibilidade de reservar prazas para a mocidade de fóra pero que traballe na cidade ou mesmo persoas de municipios limítrofes.
As datas das andainas son as seguintes
Sostibilidade:
12 DE AGOSTO: DÍA MUNDIAL DA XUVENTUDE
29 DE AGOSTO: SEMANA MUNDIAL DA AUGA
4 DE SETEMBRO: MOBILIDADE SOSTIBLE
19 DE SETEMBRO: DÍA MUNDIAL DA LIMPEZA
Igualdade:
18 DE XULLO: NACEMENTO DE XULIA MINGUILLÓN
2 DE AGOSTO: MULLERES NA HISTORIA DE GALICIA
12 DE SETEMBO: NACEMENTO DE EMILIA PARDO BAZÁN
17 DE OUTUBRO: DÍA MUNDIAL DA NENA E DA MULLER RURAL
21 DE NOVEMBRO: DÍA INTERNACIONAL CONTRA A VIOLENCIA DE XÉNERO
