InicioMovementos sociaisNada frea a reivindicación multicor: Lugo vive o Orgullo

Nada frea a reivindicación multicor: Lugo vive o Orgullo

Galería da manifestación con motivo do Día do Orgullo LGTBIQA+ en Lugo, que malia a choiva encheu de cor e son o centro da cidade

PUBLICADA O

- Advertisement -

Juan Carlos Zaera catalizou o espírito da xornada cun pregón entre a solemnidade e a reivindicación. Con razón apuntou ao pasado escuro do Vello Cárcere, esa longa noite de pedra atroz tamén para quenes expresaban unha condición diferente á que preconizaba o réxime. Que escenario. “Eu podo transformalo para as actuacións… pero así é terrible”, comentoume compunxido. Pero iso é o Orgullo, que é máis ca unha celebración.

Á saída do edificio confirmouse o pronóstico do tempo. A bategada era importante e mantiña aos primeiros manifestantes ben apretados nos portais. Marcos –que xa atendera a Lugo Xornal nesta entrevista– repartía paraugas coas cores do arco da vella con certo apoio loxístico e institucional. A pancarta principal houbo que dobrala, para non comprometer á primeira fila con manobras imposibles. Malia a treboada, seguía a chegar xente. Alá fomos.

Contra a batuxada, batucada. A comitiva espertaba os muros de Lugo con consignas directas, citando a cada un dos compoñentes do colectivo LGTBIQA+. Unha camarada de Esquerda Unida fíxome oco no seu paraugas, por aquilo de que á prensa hai que coidala, que nunca se sabe. A marcha lembraba á do Prestige, a outra escala, pero co mesmo espírito capaz de salvar un mar de auga. Non eran só as duascentas e pico gorxas que percorrían a cidade amurallada, tamén as que á mesma hora facían tremer as rúas das cidades e vilas galegas.

Logo de percorrer o casco vello, co apoio da xente que saía dos locais, a manifestación congregouse na Praza Maior. Impúxose a cor sobre a choiva. Dende os máis cativos ata as señoras con mil batallas, todos desfrutaron baixo o pigmento multicor. Foi un intre de apertas, de carreiras e de moito Orgullo.

ÚLTIMAS

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...