A Federación de Traballadores da Seguridade Privada de Unión Sindical Obreira (USO) denunciou que o apuñalamento dun vixiante no Hospital Lucus Augusti (HULA) revela “a falta de medios humanos e técnicos na seguridade dos centros hospitalarios galegos”.
Nun comunicado emitido este mércores, o sindicato mostra a súa solidariedade co traballador agredido o domingo, un episodio que, para USO, esixe “unha revisión de persoal” no centro e unha necesidade de dotar de “medios estes profesionais”.
CHALECOS ANTICORTE
Segundo o sindicato, o apuñalamento do vixiante de seguridade “igual non se podería evitar”, pero “si minimizar” as súas consecuencias se o agredido estivese acompañado por outro traballador e se dispuxesen de “elementos de protección efectivos”, como un chaleco anticorte.
Así, USO insta a que este episodio “sirva de punto de inflexión” para aumentar o cadro de persoal de vixilantes, así como os medios de defensa e protección “acordes ao risco que asumen”.
REPUNTE DE AGRESIÓNS
“Non se trata dun caso illado”, aseguran. “Existe un repunte de agresións a persoal de seguridade privada con consecuencia de lesións”.
