InicioMedioambiente e PatrimonioA maleza invade o paseo do río Rato

A maleza invade o paseo do río Rato

O PP critica a "falta de mantemento" do goberno socialista durante os últimos anos e lémbralle que esta é unha das áreas preferidas polos lucenses para facer deporte, polo que se debería poñer máis tino en coidala.

PUBLICADA O

- Advertisement -

O mal estado que presentan algúns tramos do paseo do río Rato foi motivo de denuncia por parte do grupo municipal do PP. Esta área está “abandonada e invadida” pola maleza, algo que achacan aos gobernos socialistas por “deixar ao seu rumbo” unha das principais zonas verdes da cidade.

O concelleiro popular Óscar Poy lamentou a imaxe “case desoladora” que atopan os lucenses e os turistas que se achegan á zona. “É case imposible ver o río Rato, xa que a maleza cobre por completo o leito do río; algo que non é de onte, xa que hai portóns nalgún caneiro que está totalmente cubertos por herbas”, asegurou. Así, referiuse, por exemplo, a unha ponte que une as dúas beiras do paseo e que leva meses “inutilizada”.

Algúns treitos do camiño pasaron de ter algo máis de dous metros de ancho a contar con tan só 30 centímetros de espazo, critican dende o PP para afear a “falta de mantemento” que reflicte esta realidade. Buracos de gran tamaño e profundidade son outras das deficiencias que observa Óscar Poy ao largo do paseo.

“Están a achicarse os camiños (…) e é unha mágoa”, di. Insiste en que o paseo do Rato é un dos lugares prefereidos polos lucenses para camiñar ou facer deporte, así que advirte que se debería coidar para evitar riscos.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...