InicioSociedadeVÍDEO | A fonte da Praza do Campo e o 'milagre' de...

VÍDEO | A fonte da Praza do Campo e o ‘milagre’ de converter a auga en viño

Este luns 29 de xullo, a asociación de empresarios Lugo Monumental volveu impulsar unha cita que congrega a veciños e turistas, sorprendidos por ver saír viño dos tres canos da fonte.

PUBLICADA O

- Advertisement -

Unha fonte que, no canto de auga, bote viño. Que tolaría, non? Ata ese ‘milagre’ é posible en Lugo, aínda que unicamente unha vez por cada ano e tan só na fonte da Praza do Campo. Así pois, San Vicente obrou a súa marabilla este luns 29 de xullo, a partir das 20.00 horas. A asociación de empresarios Lugo Monumental, o patrocinio de Viliga -viños e licores galegos- e o Concello colaboran nesta celebración.

O nome de ‘rúa dos Viños’, co que se coñece informalmente á rúa Nova de Lugo, recuperou a súa razón de ser. Por sétimo ano consecutivo, Lugo Monumental axudou a San Vicente a materializar o seu prodixio: a fonte barroca da Praza do Campo manou viño tinto polos seus tres canos xusto no día de Santa Marta, patroa da hostalaría.

Nunh praza ateigada de persoas, correu o viño de balde entre os asistentes. Ademais de decenas de veciñas, veciños e turistas, tamén estiveron presentes a alcaldesa, Lara Méndez, e a concelleira de Cultura, Maite Ferreiro. Elas, canda o resto, puideron desfrutar da música tradicional a cargo do grupo ‘Cántigas e frores‘. Foi unha xornada de lecer onde o casco histórico se impregnou do cheiro a viño e a algarabía propia das festas.

 

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...