InicioLugo e contornaGuntínO primeiro lume da tempada arrasa 48 hectáreas en Guntín

O primeiro lume da tempada arrasa 48 hectáreas en Guntín

Máis de 120 hectáreas calcinadas nun día entre as provincias de Lugo, Ourense e Pontevedra

PUBLICADA O

- Advertisement -

Primeira semana de maio e xa comezaron os grandes lumes. Logo de varios días de calor e seca, tres grandes lumes, xa estinguidos, afectaron aos municipios de Guntín (Lugo), Vila de Cruces (Pontevedra) e San Xoán de Río (Ourense). Estes incendios forestais rexistrados entre o luns pola tarde e a mañá do martes queimaron máis de 120 hectáreas.

incendio de Guntín iniciouse ás 15,51 horas do luns na parroquia de Ferreira de Pallares e quedou extinguido ás 22,41 horas da mesma xornada após arrasar 48,72 hectáreas, delas 12 de monte arborado e 36,72 de raso, precisou a Consellería de Medio Rural. Na extinción deste incendio forestal participaron catro axentes, 10 brigadas, cinco motobombas e dous helicópteros, indicou o departamento de Medio Rural.

Na provincia de Ourense, un incendio forestal con varios focos queimou este martes unhas 45 hectáreas no municipio de San Xoán de Río. Segundo a mesma fonte oficial, este lume quedou controlado ás 16.49 horas deste martes após afectar a 24 hectáreas de arborado e 21 de superficie rasa.

Así mesmo informou o goberno autonómico doutro lume, este en Pontevedra. Ás 1,55 horas deste martes quedou extinguido o lume declarado na parroquia de Toiriz, no concello de Vila de Cruces. Comezou ás 18,39 horas do luns e queimou unha superficie de 30 hectáreas de monte arborado. Para extinguir este incendio foron mobilizados oito axentes, 15 brigadas, seis motobombas, unha pa e catro helicópteros.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

Bombeiros de Vilalba denuncian o peche do parque comarcal por traslado de efectivos ao de Barreiros

O Comité de Folga dos Bombeiros Comarcais acusa o Consorcio de Bombeiros de Lugo...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...