InicioMedioambiente e PatrimonioO BNG de Castroverde reclamará o arranxo da Vía Romana XIX

O BNG de Castroverde reclamará o arranxo da Vía Romana XIX

As choivas torrenciais dos últimos días desfixeron completamente o treiro da Vía Romana que unía Braga e Astorga ao seu paso por Castroverde – A desfeita complica as rutas e tamén o acceso dos veciños ás leiras

PUBLICADA O

- Advertisement -

O Bloque Nacionalista Galego levará ao Pleno de Castroverde unha iniciativa para demandar o acondicionamento da Vía Romana que transita pola parroquia de Tórdea. O voceiro local do BNG, Xosé Gómez, sinalou que ademais de facer transitable a Vía Romana, os camiños son empregados coma acceso a moitas leiras da parroquia polas. As importantes choivas dos últimos días desfixeron completamente o treito da Vía que unía Braga e Astorga ao seu paso por Castroverde, polo arrastre de materias areosos que deixou intransitables os camiños. 

«No estado actual, as veciñas e veciños non poden acceder ás fincas, nin con tractores, e as rutas pola Vía Romana XIX son imposibles» dixo Gómez. O representante nacionalista explicou que «tal e como quedaron os camiños, hai fochancas de máis de 50 centímetros de profundidade que os fan totalmente intransitables». Durante a primavera e o verán a Vía Romana XIX é utilizada por moitos grupos para facer roteiros tanto a pé coma en bicicleta. Así, para o BNG cómpre «recuperar o estado da Vía para que a imaxe que leven as persoas que nos visitan sexa positiva».

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...