A presidenta do PP de Lugo, Elena Candia, instou a “aclarar tecnicamente” o caso das rutas fluviais, na Ribeira Sacra, que impulsa o goberno da Deputación provincial, tras o cruzamento de acusacións entre o responsable de turismo, Eduardo Vidal e o viceportavoz popular, Carlos Armesto.
Vidal presentou unha demanda de “conciliación” no xulgado de instrución número uno de Lugo contra o viceportavoz popular, Carlos Armesto, tras ser acusado de falsidade documental no proceso de permisos para o desenvolvemento das devanditas rutas.
Candia advertiu de que o PP ten “información documentada”, e que Carlos Armesto “coñece profundamente todo o desenvolvemento turístico da Ribeira Sacra”. “Coa documentación que temos o noso grupo tentará facela valer”. “Creo que terá que aclararse tecnicamente, pero a documentación que nos fixeron chegar permitía ter dúbidas e por iso faciamos as preguntas”, concluía Elena Candia.