InicioSociedadeA defensa de Pilar de Lara, pendente do recurso perante o Poder...

A defensa de Pilar de Lara, pendente do recurso perante o Poder Xudicial

O letrado de Pilar de Lara di que contra a conduta da maxistrada non cabe tipo disciplinario e opina que a investigación débese ao "exceso de celo"

PUBLICADA O

- Advertisement -

A acción disciplinaria contra Pilar de Lara ten orixe “no exceso de celo”. Ese é o parecer do representante da maxistrada, Agustín Azparren, quen precisa que “non hai tipo disciplinario” no que encaixar a conduta da titular do Xulgado de Instrución Número 1 de Lugo. Así, confía en que o expediente aberto por dilacións inxustificadas “termine en nada”.

Sobre a causa que leva meses en curso, o avogado de Pilar de Lara asegurou que a conduta da clienta non é susceptible de penalización segundo os supostos contemplados polo Poder Xudicial. “Sexa a nivel do Consello Xeral do Poder Xudicial, sexa xa na sala terceira do Tribunal Supremo, eu espero que ao final termine en nada”.

A defensa da xuíza, que instrúe entre outras macrocausas a Operación Carioca, o Caso Pokémon ou a investigación do Garañón, está pendente do recurso presentando perante a comisión permanente do Poder Xudicial. Este organismo deberá decidir sobre a negativa do promotor da acción disciplinaria a aceptar as probas testificais propostas polo representante de Pilar de Lara, que inclúen os testemuños dos inspectores xudiciais.

“Polo demais, está paralizado o expediente”, confirmou Azparren. A defensa, que en todo momento descartou ralentizar o proceso para forzar a caducidade do expediente, confía en que os recursos sexan resoltos o antes posible. O prazo da investigación foi ampliada a un ano, polo que “segue habendo unha caducidade de seis meses”.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...