InicioMedioambiente e PatrimonioO Goberno apoiará a candidatura do casco histórico de Lugo a Patrimonio...

O Goberno apoiará a candidatura do casco histórico de Lugo a Patrimonio da Humanidade

De prosperar a declaración, o casco histórico sería o cuarto Patrimonio da Humanidade de Lugo e acadaría a categoría que ostenta o de Santiago de Compostela

PUBLICADA O

- Advertisement -

A visita da ministra de Industria, Comercio e Turismo, Reyes Maroto, serviu para acadar o compromiso do Goberno a prol da declaración de Patrimonio da Humanidade do casco histórico de Lugo. A candidatura estará complementada polo expediente de recoñecemento da capital lucense como Cidade Gastronómica, e a localización do Centro de Estudos da Cidade no Vello Cárcere.

Despois do encontro co empresariado, os comerciantes e os emprendedores no CEI Nodus, no que trasladou as medidas de apoio do Ministerio, a responsable gubernamental confirmou o soporte do executivo central á candidatura para declarar o casco histórico lucense Patrimonio da Humanidade. Maroto valorou esta aposta pola contribución a “crear riqueza e valor coa entidade de Lugo”, situando á cidade “como referente turístico”.

En caso de prosperar a petición perante a Unesco, o casco vello sería o cuarto Patrimonio da Humanidade de Lugo, despois da Muralla, a Catedral e o Camiño Primitivo, cun nivel de protección equivalente ao do centro histórico de Santiago de Compostela. Para acadar este fito, o Concello asinará “de inmediato” un convenio co Centro de Estudos da Cidade da Universidade de Santiago de Compostela para preparar a candidatura.

Ademais, o acordo coa institución compostelá incluirá asemade a elaboración dun expediente para o recoñecemento de Lugo como Cidade Gastronómica, e a localización do propio Centro de Estudos no Vello Cárcere. A alcaldesa Lara Méndez valorou “a boa acollida” da candidatura por parte da ministra, porque “queremos impulsar o crecemento do sector turístico de maneira sostible, poñendo en valor o noso patrimonio material e inmaterial”.

Industria non corresponde a expectativa do emprendemento lucense

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

Non sae adiante a iniciativa parlamentaria do BNG para frear a instalación de Altri en Palas

A comisión 8ª de Pesca e Marisqueo do Parlamento de Galicia rexeitou este martes unha proposición...

Un veciño de Melide sería o autor de varios incendios nunha mesma zona da Serra do Careón

A Garda Civil investiga a un veciño de Melide, de 33 anos de idade, como suposto...