InicioPolíticaLugo disporá de 15 quilómetros adicionais de carril bici

Lugo disporá de 15 quilómetros adicionais de carril bici

Serán 27 novos treitos que abranguerán dez veces máis distancia da dispoñible na actualidade – Aproveitarán o pavimento xa existente e afectarán tamén a prazas de aparcadoiro

PUBLICADA O

- Advertisement -

O executivo de Lara Méndez mantén a inercia de investimentos co anuncio da nova rede de carrís bici. Serán 27 novos treitos para un total de 15 quilómetros, o que implica multiplicar por dez os xa existentes. A obra, que contará con algo máis dun millón de euros e un prazo de execución de seis meses, contempla tanto carrís en vía separada coma coexistentes con outros medios. A alcaldesa explicou que o proxecto é «ambicioso» e procura converter a bicicleta «nun elemento normalizado da paisaxe de Lugo».

Esta iniciativa é a consecuencia da unión do Plan de Mobilidade co Proxecto de Promoción da Bicicleta en Lugo. Así mesmo, para o financiamento –un total de 1.043.000 euros– enmárcase na Estratexia europea de Desenvolvemento Urbano Sostible e Integrado (EDUSI), co que o 80 por cento do investimento partirá dos Fondos Europeos de Desenvolvemento Rexional (FEDER). Os límites aproximados dos diferentes treitos son a Avenida da Coruña, a Ronda da Muralla, o parque Rosalía de Castro, o río Miño cara o río Mera, o límite da zona urbana en Abella e a rúa Mazaira.

As vías ciclistas estarán divididas con sinalización vertical e separadores ovalados de caucho. Serán unidireccionais –de subida ou de baixada– e bidireccionais, e nas denominadas rúas ciclistas a velocidade estará limitada a 20 kilómetros por hora por razóns de seguridade. No proxecto están integrados aparcadoiros de bicicletas ao aire libre e cubertos, en zonas onde a estancia pode ser prolongada, coma en colexios ou preto de paradas de autobús; substituirán plazas de aparcadoiro.

Plano cos 27 novos treitos de carril bici en Lugo | Concello de Lugo

En xeral o pavimento actual servirá de base para os novos carrís, con novas marcas viais. Porén, haberá zonas comprometidas: haberá que demoler parcialmente e excavar na rúa Santiago, e rehabilitar o firme nas Costas do Parque, na rúa Poeta Xosé Crecente –barrio da Residencia– e nos laterais da Ronda do Carme. Amais, instalaranse sinais específicas para as vías ciclistas, con paneis, luces de semáforo exclusivas e compartidas con peóns, e marcas de conexión entre vías para os cruces.

Dende o Concello aseguran que o obxectivo é aumentar a convivencia entre ciclistas, peóns e automóbiles, procurando «fomentar o uso de vehículos alternativos capaces de conectar toda a cidade», favorecendo os desprazamentos de lecer e laborais. Entre os principios rectores do proxecto, salientou a rexidora, estará a cohesión interna e a sinerxia con outras redes, coma os autobuses urbanos. Outra das prioridades é a rectitude, evitando pendentes e desprazamentos longos de máis.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...