A cidade de Lugo acollerá a un grupo de 15 menores migrantes da cota de Canarias que o Goberno central debe distribuír entre comunidades por mandato do Tribunal Supremo.

O Goberno informaba este martes de que prevía trasladar esta semana desde Canarias á Península a un total de 27 menores migrantes non acompañados solicitantes de asilo.

Estas derivacións, que se farán en tres grupos diferenciados, prodúcense como resposta ao auto do Tribunal Supremo, que en marzo pediu ao Executivo que se fixese cargo cos seus medios duns 1.000 nenos menores migrantes non acompañados que solicitaran asilo.

Estes 15 súmanse aos 317 menores que deben ir chegando a Galicia segundo o acordado no Consello de Ministros a finais de agosto.

Fontes do Goberno galego afirman descoñecer aínda nin data de chegada do grupo e denuncian que, “unha vez máis”, coñeceron a decisión “pola porta de atrás”.