- Advertisement -
A Policía Nacional detivo a semana pasada a tres persoas tras desmantelar dous puntos de venda de droga nos barrios lucenses de Fontiñas e A Milagrosa. Nun comunicado, este corpo de seguridade asegura que as investigacións permitiron comprobar que nestas dúas zonas de Lugo estaban a realizarse vendas polo miúdo de estupefacientes.
Trataríase de dous puntos de venda de droga independentes, sen ter conexión entre eles, procedendo á detención de dúas persoas en Fontiñas e dunha na Milagrosa. Ademais, interviñéronse preto de 80 dose de cocaína, varias balanzas de precisión, teléfonos móbiles, 400 euros e demais material para a manipulación da sustancia.
