InicioSucesosPerde a vida un lucense pola colisión entre dous camións na A-6

Perde a vida un lucense pola colisión entre dous camións na A-6

O veciño de Lugo, de 61 anos, era o condutor e único ocupante do camión que colisionou contra outro articulado na A-6 ao paso por Coirós

PUBLICADA O

- Advertisement -

(EFE) Un home de 61 anos, veciño de Lugo, faleceu na mañá deste luns nun accidente por alcance entre dous camións. A colisión produciuse na autovía do nordés, a A-6, ao paso polo concello coruñés de Coirós, contra as 10.30 horas.

O falecido era o único ocupante do camión, que impactou co outro vehículo articulado no punto quilométrico 561,400 da A-6. Ámbolos vehículos circulaban en dirección Madrid, segundo confirmaron a Efe fontes da Garda Civil.

Pasadas as dez e media, varios particulares puxéronse en contacto co 112 Galicia para informar dunha colisión múltiple, cun ferido posiblemente atrapado dentro dun dos vehículos involucrados.

De inmediato, os xestores do CIAE 112 alertaron ao 061-Urxencias Sanitarias, aos Bombeiros de Betanzos, a Garda Civil de Tráfico e tamén ao servizo de mantemento da autovía.

Unha vez no lugar do accidente, os servizos de emerxencia confirmaron que o condutor do camión, única vítima do sinistro, estaba atrapado e falecera no interior do vehículo. Os Bombeiros de Betanzos encargáronse da excarceración do corpo do falecido.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...