A organización do festival Facela Fest, que se celebra en Lugo, avanzou parte do cartel deste evento de música alternativa, que terá lugar do 8 ao 10 de maio.

Entre os primeiros nomes confirmados están The Undertones, Christina Rosenvinge, VVV (Trippin’You) e Margaritas Podridas. Ademais, contarán coa participación de figuras do panorama nacional e internacional como Stompin’ Riffraffs, Marcelo Criminal, Black Ends, Pladur e Jade4.

Os organizadores confirmaron que o cartel da que será a novena edición do festival aínda non está pechado.