InicioPolíticaO BNG reeditará as Asambleas Abertas para a nova candidatura por Lugo

O BNG reeditará as Asambleas Abertas para a nova candidatura por Lugo

Os nacionalistas queren incorporar distintas sensibilidades para formar un equipo «que represente ideas e sectores» – Apostan por incluír ao «maior porcentaxe de xente» nun proxecto «decidido» e «ilusionante»

PUBLICADA O

- Advertisement -

Comeza o proceso de conformación da candidatura do Bloque Nacionalista Galego (BNG) para os comicios municipais de 2019. Para a tarefa, o consello local terá a colaboración do exvoceiro Antón Bao e tamén do antigo responsable local Álex Penas, dous coñecedores da vida municipal que coordinarán a escolla do novo equipo. A formación retomará o sistema de Asambleas Abertas para atopar ideas e persoas, co obxectivo de contar co cabeza de lista antes do comezo do verán. «Animamos tamén a quen non militou en partidos, mais si militou socialmente».

Apelando á militancia, a quenes apoiaron no pasado ao BNG, e tamén a quenes nunca entraron na vida política, a edil nacionalista Maite Ferreiro asegurou que procuran un equipo de traballo para que «Lugo funcione». O proceso comezará por atopar ó cabeza de cartel antes de verán, para logo retomar o total da candidatura. Escoitarán as propostas de afiliados e non afiliados, logo o consello local pronunciarase e finalmente a asamblea local ratificará aos candidatos. Antes de xuño a escolla terá que ser comunicada ao Consello Nacional.

Polo tanto, «dende xa» porase en mans da militancia o regulamento para que poidan achegar propostas e «recoller a sensibilidade» de quen «quere a Lugo». Dende o Bloque procuran a un candidato que non necesariamente ten que ter perfil político nin ser militante, pero que  ten que representar sectores ou ideas concretas, deberá aportar «responsabilidade» e demostrar a valía con «traballo sindical ou social». «Non buscamos estrelas –dixo Ferreiro– senón un equipo para gobernar».

O responsable local Lois Blanco, a concelleira Maite Ferreiro, Álex Penas e Antón Bao  | Óscar Bernárdez
O responsable local Lois Blanco, a concelleira Maite Ferreiro, Álex Penas e Antón Bao | Óscar Bernárdez

«O Bloque sabe gobernar para todo o mundo» defendeu Bao. «Temos un proxecto claro e decidido que aposta polo desenvolvemento e o benestar, que quere sacar proveito dos recursos de Lugo». Segundo salientou quen fora voceiro da formación, a coherencia e a consecuencia son os valores diferenciais dun BNG «que está onde sempre estivo, pero que foise renovando co tempo». En opinión de Penas existe «ilusión» por un proxecto «solvente, serio e de futuro» e proclamou que terán que ir «a por todas».

Analizando as vindeiras eleccións locais, dende o Bloque avisan de que serán «abertas» polo «fracaso dos partidos que defraudaron, os partidos sistémicos e os novos partidos, que naceron xa vellos». Deste xeito, a forza «referente» sería a nacionalista, porque «é necesario un relevo» para unha cidade «en declive» e que non avanzou baixo o goberno do Partido Socialista, e pola «ausencia do Partido Popular na Xunta e de proxectos para Lugo». Baixo as premisas dun proxecto «recoñecido e recoñecible», dende o BNG abogan pola «positividade» e por incluír «á maior porcentaxe de xente».

ÚLTIMAS

Conclúe a inspección da nave de Mazoi calcinada este martes e a empresa desconfía de que fose provocado: “Non sei como prende unha nave...

A Policía Científica deu por concluída este mércores a inspección da nave de reciclaxe da parroquia de...

O BNG presenta máis de 700 alegacións ao proxecto que Altri expón para implantar en Palas de Rei

O BNG presentou na Xunta máis de 700 alegacións contra o proxecto que Altri quere implantar en Palas...

Veterinarios de Lugo alertan do “risco vital” para mascotas que supón o novo decreto da Xunta sobre uso de medicamentos humanos

O Colexio de Veterinarios de Lugo advertiu de "risco vital" para mascotas e outros animais, como cabalos, tras...

Detido un home en Monterroso por roubar nunha oficina de Correos

A Garda Civil detivo na localidade lucense de Monterroso a un home de Lalín como presunto...